AF268: 78v

Cülūs‑i seʿādet‑meʾnūsları sene s̱emān ʿaşere ve tisʿmiʾe Ṣaferinde idügi muqaddeman ẕikr olınmışdur pes sene‑i [?] şerīfleri // elli bir ve müddet‑i salṭanetleri ṭoquz yıl olur nite kim dėmişlerdür beyt

Ḫusrav u ḫusrav‑nišān sulṭān‑i taḫt‑i Rūm u Šām
Qātil‑i ahl‑i żalālat šāh‑i dīn Sulṭān Salīm

Hašt ṣad u haftād u panč ān Ḫusrav‑i ṣāḥib‑qirān
Az‑ʿadam zad ḫāyma sūy‑i dahr bā farr‑i ʿaẓīm

Nuh‑ṣad u haždah za‑hišrat rafta šud sulṭān‑i dahr
Kard ahl‑i rafż‑rā bā tīġ‑i burran dal dū‑nīm

Fatḥ‑i iqlīm‑i ʿArab kard u ʿAlāʾuddavla‑rā
Sar‑burīd u kār‑i davlat šud ba‑tīġaš mustaqīm

Nuhṣad u bīst u šaš az hiǧrat guẕašta
Az quṣūr‑i dār‑i dunyā sū‑yi ǧannāt‑i naʿīm

Risāle der‑beyān‑i Eski cāmiʿ ve Yeñi sarāy ve aḥvāl‑i ḥiṣār‑i şehr‑i Edirne ve [...] s̱üls̱

naqldür ki selefde [?] taḥt‑i [!] Yūnānda şehr‑i Qonyada bir ṭabīb‑i ḥāẕıq var idi nāmına Beşīr Celebi dėrlerdi // eger cümle maʿārifi şerḥ olınsa ʿināyet bulmaya idi cümle‑i ḥiẕāqatında birisi budur ki bir gün atıyla bir yėrden gelüb // bir yėre giderken ittifāqī bir cenāzeye rāst geldi ki götürüb giderlerdi meyyiti götürenlere ṭuruñ dėyüb götürdügüñüz // kişi diridür dėdi atından aşaġa inüb meyyitüñ tābūtın açub ḥikmetle ol kimesneden qan alur baʿd zemān // ol kişi gözin açub qalqdı Beşīr Celebiye eyitdiler sulṭānum bu kişi diri idügini neden bildüñ ve ne vechle // ḥükm buyurdıñuz ki dėdüklerinde götürenler ḫıffet üzre götürürler zīrā meyyit s̱eqīl ve diri ḫafīf olur baʿżı // ḫavāṣṣı eyidürler Beşīr Celebi daʿvet‑i raḥmāna vāṣıl olmaġın her gün bu maqūle fażīletleri ẓāhir u bāhir // olurdı meger ki ol zemānda Sulṭān Meḥemmed Ḫān ġāzī ṭābe s̱erāhu şehr‑i Edirnede yeñi taḥt‑i [!] seʿādet‑baḥra [!] // cülūs buyurub pādişāh olduqları zemānda ittifāq Beşīr Celebi añılub ḥiẕāqatı evṣāfı meclis‑i şerīflerinde // ẕikr olınub ziyāde taʿrīf u tavṣīf ėtdüklerinde Sulṭān Meḥemmed Ḫān ḥekīm‑i mezbūra derūn‑i dilden meyl ėdüb der‑ḥāl // Qaramān‑oġlı İbrāhim [!] Bege nāme tesvīd olınub qāṣıd birle irsāl qılınub ḥekīm‑i mezbūr ṭaleb qılınmaġa emr olundı çünki // qāṣıd nāme birle İbrāhim [!] Bege vāṣıl oldı emr‑i ʿālīlerine imtis̱āl ėdüb ḥekīm‑i merqūmı temām‑i ʿizzet ü ikrām‑i ḥürmet ile